Día da Paz 2018

Este ano para o Día da Paz traballamos de maneira cooperativa todo o centro, por parellas de cursos, e tendo como eixe central o medioambiente despois do acontecido nos nosos bosques cos incendios. Así, coñecimos a figura de Wanghari Mattai, unha ecoloxista keniana que obtivo o Premio Nobel da Paz no 2004, pola súa contribución ó desenrolo sostible, a democracia e a Paz.
 Nós, traballamos cos nenos/as de 5º, nós a parte mais plástica e os maiores a parte de investigar as características da árbore, nome científico, etc....Cada parella "plantou" unha especie, a nosa é unha aciñeira, unha aciñeira cargadiña de palabras e mensaxes bonitas. Entre todo o cole e baixo o lema "Aloumiña o monte, sementa paz" enchemos os corredores de árbores bonitas e mensaxes de paz.
Como sempre digo...a Paz a traballamos todos os días e non debería de ser algo illado...penso nas moitas barbaridades que se escoitan nas noticias hoxe en día, nenos/as con armas nas súas escolas, homes que secuestran, violan e matan a chicas, secuestros, maltratadores, atentados, maltrato animal.......ufffff!algo vai mal....dende infantil a secundaria todos os días do ano debemos traballar a empatía, a asertividad, a resiliencia, a autoestima, a frustración, debemos axudar ós nosos nenos/as a ser boas persoas, o respeto....Ésta é a clave para acabar con este tipo de feitos e os nenos/as son o futuro....